Sansar News
पुष्पा नेपाल सुवेदी ‘पुष्पाञ्जलि ‘-झापा
दिँदा प्रेम सच्चा झुटो हो नभन्नू
निसानी छ दिलमा तगारो नभन्नू
घरी जम्छ जीवन घरी पग्लिदै छ
बनी शीत उसले रुझायो नभन्नू
सिँचे सिर्जनाको कुसुम फुल्न सक्छ
हृदयभित्र खाली छ पानो नभन्नू
सयौँ बिघ्न पर्छन् झरी पर्छ कहिले
हिँडौँ प्रीत पथमा उकालो नभन्नू
हुँदा दूर दुख्छ भुवाझैँ कोमल मन
झरे आँसु छेकिन्छ बाटो नभन्नू
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ – १२२ – १२२ – १२२
काफिया : ओ
रदिफ : नभन्नू
वि.सं.२०८२ पुस २६ शनिवार ०५:४९ मा प्रकाशित
