Sansar News
अनुराग अरुण, लुभु, ललितपुर
जसमा निकै आत्मीय प्यार हुन्छ
हरपल उसैको इन्तिजार हुन्छ
जुन वृक्षमा फलफूल हुन्छ धेरै
अक्सर त्यसैमा खुब प्रहार हुन्छ
छन् प्राणझैँ आमा र जन्मभूमि
हरजन्ममा माटोको भार हुन्छ
मनभित्र कसको के छ हुन्न थाहा
बाहिर सफा, मनमा विकार हुन्छ
एकछिन प्रियालाई कतै नदेख्ता
बेचैनले यो दिल बिमार हुन्छ
बहर : सरिअ मुसद्दस मक्सुफ
अर्कान : मुस्तफ्इलुन् , मुस्तफ्इलुन् , फऊलुन्
वजन : २२१२ – २२१२ – १२२
काफिया : आर
रदिफ : हुन्छ
अभ्यास : हाम्रो गजल पाठशाला
वि.सं.२०८३ साउन १६ शनिवार ०७:५८ मा प्रकाशित
