Sansar News
कृष्णप्रसाद गौतम, इटहरी–५, सुनसरी
दुनियाँ बदल्छु भन्ने छैनन् स्वयम् बदल्दै
छन् छद्म भेषमा जो हिँड्छन् तिनै टहल्दै
तारा झरे अँध्यारो भाग्यो बिहान आयो
बादल बढ्यो अचानक दिन भो उराठ गल्दै
फुल्छन् हजार स्वप्न मनका कुना कुनामा
आडम्बरीहरू छन् सद्भावना हुँडल्दै
आहान सुन्छु यौटा लुसिफर नरक गिरेको
त्यस्तै बेताल सत्ता जाँदै छ आज ढल्दै
आऊ वसन्त फर्की बढ्दै गयो तुसारो
हेमन्तले दुखायो झुप्राहरू पिरल्दै ।
बहर : मुजारे मुसम्मन अखरब
अर्कान : मफ्ऊलु फाइलातुन् मफ्ऊलु फाइलातुन्
वतन : २२१ – २१२२ – २२१ – २१२२
काफिया : अल्दै
रदिफ :०
अभ्यास : परिश्रमी पाठशाला
वि.सं.२०८२ पुस २६ शनिवार ०५:४८ मा प्रकाशित
