Sansar News
हृषीकेश बराल, पोखरा –२६ कास्की
खोज्छु आफन्त छैनन् पीडा हुँदै छ
जिन्दगी काट्नलाई धामा हुँदै छ ।
गीत कविता गजल नाटक पढ्छु जसका
वर्णविन्यास तोड्ने भाषा हुँदै छ ।
बन्द उद्योग खोल्ने सरकारले हो
बुझ्छ को राष्ट्रलाई घाटा हुँदै छ ।
वेदनाले रुवायो मन हाँस्नु कसरी
शोकले तन घटाई आधा हुँदै छ ।
प्रेम गर्दा ग¥यौ वाचा साथ जिउने
आज छाड्यौ अचानक धोका हुँदै छ ।
बहर : असम
अर्कान : फाइलातुन् , मुफाईलुन् , फाइलातुन्
वजन :२१२२ – १२२२ – २१२२
काफिया : आ (स्वर)
रदिफ : हुँदै छ
अभ्यास : उज्यालो पाठशाला
वि.सं.२०८२ माघ ३ शनिवार ०६:१४ मा प्रकाशित
