Sansar News
काठमाडौं । १० करोड घुस प्रकरणमा मुछिएका अधिवक्ता रुद्रप्रसाद शर्मालाई बार काउन्सिलले कारबाही गर्ने निर्णय गरेको छ । काउन्सिलको बुधबार बसेको बोर्ड बैठकले न्यायाधीश कोइरालालाई घुस प्रलोभन देखाउने अधिवक्ता पोखरललाई सात दिनभित्र लिखित जवाफ पेस गर्न पत्र पठाएको हो ।
सार्वजनिक भएको अडियोअनुसार अधिवक्ता पोखरेल ‘विचौलिया’को भूमिकामा देखिएको ठहर गर्दै काउन्सिलले छानबिन गरेर कारबाही गर्ने निर्णय गरेको हो । अधिवक्ता पोखरेललाई कस्तो कारबाही हुने गर्ने भन्ने छानबिनपछि मात्र तय हुने बताइएको छ ।
दोषी करार भएमा अधिवक्तामाथि काउन्सिलले लाइसेन्ससमेत रद्द गर्न सक्दछ ।
मंगलबार काठमाडौं जिल्ला अदालतका न्यायाधीश राजकुमार कोइराला र अधिवक्ता रुद्र पोखरेलबीच व्यवसायी इच्छाराज तामाङलाई धरौटीमा छुटाउन १० करोडको डिल भएको अडियो सार्वजनिक भएको थियो । घुस लेनदेनको अडियो सार्वजनिक भएपछि बुधबार नै बसेको न्याय परिषदको आकस्मिक बैठकले न्यायाधीश कोइरालालाई तत्कालको लागि निलम्बन गर्दै छानबिन गर्ने निर्णय गरेको छ ।
सम्बन्धित समाचार
१० करोड डिलमा मुछिएका न्यायाधिश कोइराला भन्छन् – ममाथि छानबिन होस्
न्यायाधीश र वकिलबीचको घुस डिल सार्वजनिक, न्यायपरिषद्को आकस्मिक बैठक बस्दै
वि.सं.२०७९ असार ८ बुधवार १८:०४ मा प्रकाशित
