Sansar News
काठमाडौं । नेपालमा आज ४९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयद्धारा जारी विवरण अनुसार पछिल्ला २४ घण्टामा गरिएको २४९४ नमुना परीक्षणमा ४९ जना संक्रमित थपिएका हुन् ।
त्यसैगरी पछिल्लो २४ घण्टामा १२ जना कोरोना संक्रमित निको भएका छन् । आज निको भएका १२ जनासँगै नेपालमा हालसम्म कोरोना संक्रमणबाट मुक्त हुनेको संख्या ९ लाख ६७ हजार ३४२ रहेको छ ।
कूल संक्रमित भएका ९ लाख ७९ हजार ४५७ मध्ये हालसम्म ज्यान गुमाउनेको संख्या ११ हजार ९५२ रहेको छ ।
त्यसैगरी नेपालमा हाल १६३ जना सक्रिय संक्रमित रहेका छन् । जसमा होम आइसोलेशनमा रहनेको संख्या १६० रहेको छ भने संस्थागत आइसोलेशनमा ३ जना र १ जनाको आइसीयुमा उपचार भइरहेको छ ।
त्यस्तै पछिल्लो २४ घण्टामा ८५ हजार ६५७ मात्रा कोरोना भाइरसविरुद्धको खोप लगाइएको छ ।
फेरि बढ्न थाले कोरोना संक्रमितको संख्या, आज थपिए ३१ संक्रमित
वि.सं.२०७९ असार ९ बिहीवार १७:०८ मा प्रकाशित
