Logo
२७ श्रावण २०७९, शुक्रबार
     Fri Aug 12 2022
E-paper
  English Edition
   Unicode
Logo

आमाहरुको हिम्मत : ऋण खोजेर बस सञ्चालनमा ल्याए



९ चैत, लमजुङ (बेसीशहर)  । लमजुङ नाल्मा गाउँका आमासमूहले आफ्नै सक्रियतामा बस सञ्चालन गरेका छन् ।   बेसीशहर नगरपालिका नाल्मास्थित खुन्द्रुदेवी आमा समूहले गाउँदेखि सदरमुकाम बेसीशहर बजारसम्मका लागि बस किनेर सञ्चालन गरेका हुन् ।

यातायातको अभावमा गाउँलेलाई सदरमुकामलगायत अन्यत्र जान समस्या भएपछि स्थानीय आमासमूहले ऋण खोजेर भएपनि बस खरिद गरेर सेवा सञ्चालन गरेको खुन्द्रुदेवी आमा समूहका अध्यक्ष त्रिकाशी गुरुङले बताउनुभयो ।

गाउँमा बस सञ्चालनका लागि सो आमा समूहले करिब रु ३७ लाख खर्च गरेका छन् । करिब रु. ३५ लाखमा बस खरिद गरेको र त्यसबाहेक करिब रु. दुई लाख रुट इजाजतका लागि तिर्नुपरेको अध्यक्ष गुरुङले बताउनुभयो ।

समूहमा जम्मा भएका वाहेक रु. ३० लाख ऋण खोज्न बाध्य भए, अध्यक्ष गुरुङले भन्नुभयो – बस खरिद गरेर पनि बाटो फराकिलो नहुँदा एक महिना थन्किएको थियो ।

“बस किनेको एक महिना भयो, गाउँनिरको पाँच घुम्ती साँघुरो भएका कारण एक महिनासम्म चलाउनै पाइएन” उहाँले भन्नुभयो “अहिले घुम्तीको बाटोलाई फराकिलो बनाएपछि बस सञ्चालनमा आएको छ, यसबाट गाउँलेलाई यात्रा गर्न सहज भएको छ ।”

नाल्माका स्थानियबासीले आफ्नै लगानीमा गाउँसम्म पुग्ने मोटरबाटो बनाएका छन् । साविकको गाउँशहर काउलेपानीदेखि नाल्मा गाउँसम्मको सडक ट्रयाक खोल्न स्थानीयले सहयोग एवम् चन्दा सङ्कलन गरी ५० लाखभन्दा बढी लगानी गरेको अध्यक्ष गुरुङले बताउनुभयो । रासस


यो खबर पढेर तपाईलाई कस्तो महसुस भयो ?

काठमाडौं । नेपाल राष्ट्र बैंकले आजको नेपाली बजारमा विदेशी मुद्राको भाउ यसप्रकार तोकेको छ

काठमाडौं । प्रतिनिधिसभा र प्रदेशसभामा चुनावी तालमेल गरेर जाने सहमति गरेका दलहरुबीच सिट बाँडफाँटमा

काठमाडौं । सरकारले प्रतिनिधिसभा र प्रदेशसभाको निर्वाचन घोषणा गरेसँगै मुलुक चुनावी विषयले तात्तिएको छ

काठमाडौं । स्थानीय निर्वाचनमा जस्तै प्रदेश र प्रतिनिधिसभा चुनावमा पनि एमाले एक्लो हुने भएको