हामी सबैकाे संसारन्यूज

काठमाडौं । बैशाख देखि असार १२ गतेसम्म देशैभरी ८४४ वटा विपद्का घटना घटेका छन् ।

राष्ट्रिय विपद् जोखिम न्यूनिकरण तथा व्यवस्थापन प्राधिकरणद्धारा जारी विवरण अनुसार देशैभरी घटेका ८४४ घटनामध्ये ४४ वटा पहिरोका घटनाबाट १० जना, ११ वटा बाढीका घटनाका कारण ३ जना, १९ वटा भारी वर्षाका कारण १ जना, ७४ वटा चट्याङका घटनाबाट २७, सातवटा वटा सर्पदंशका घटनाबाट ४ जना, ५०१ आगलागीका घटनाबाट १८ जना, जंगलमा भएको आगलागीका ५२ वटा घटनाबाट १ जना, ९१ वटा हावाहुरीका घटनाबाट ८ जना, बाघ लगायत जनवरको आतंकका ४३ घटनाबाट १२ जना, डुंगा पल्टेर १ जना गरी यो तीन महिनाको अवधिमा ८४ जनाको ज्यान गएको भएको विपद् जोखिम न्यूनिकरण प्राधिकरणले जनाएको छ ।

प्राधिकरणका अनुसार पहिरोबाट १० जना, बाढीबाट ५ जना, चट्याङबाट ५५ जना, सर्पदंशबाट ४ जना, आगलागीबाट ६५ जना, जंगल आगलागीबाट २ जना, हावाहुरीबाट ३३ जना, जनावर आतंकबाट २५ जना र भूकम्पबाट १ गरी २०० जना घाईते भएका छन् ।

त्यसैगरी पहिरोबाट ५७, बाढीबाट १४, भारी वर्षाबाट १७, चट्याङबाट १०९, सर्पदंशबाट ७, आगलागीबाट ५७५, जंगल आगलागीबाट २९ हावाहुरीबाट २५६, जनावर आतंकबाट ५३, भूकम्पबाट १ र डुंगा पल्टेर १ गरी ११११ घरपरिवार प्रभावित भएका छन् ।