हामी सबैकाे संसारन्यूज

काठमाडौं । इन्टरनेट सेवा विस्तारमा वर्ल्डलिंक कम्युनिकेसन निकै आक्रामक देखिएको छ । वर्ल्डलिंकले एक वर्षमै १ लाख ५१ हजार ६३१ ग्राहक थप गरेको छ । २०७८ वैशाखसम्म ४ लाख ७८ हजार ६४८ इन्टरनेट प्रयोगकर्ता भएकोमा वर्ल्डलिंकले गत चैतसम्म आउँदा ६ लाख ३० हजार २७९ ग्राहक संख्या पुर्‍याएको छ ।

वर्ल्डलिंकले पछिल्लो समय फाइबर इन्टरनेट प्रयोगकर्तालाई विशेष चासो दिएर बढाएको छ । वर्ल्डलिंकले वायरलेस र केवल इन्टरनेट प्रयोगकर्ता क्रमिक रुपमा घटाउँदै लगेको छ । पछिल्लो एक वर्षमा वर्ल्डलिंकमा थपिएका सबैजसो नयाँ प्रयोगकर्ता फाइबर इन्टरनेट प्रयोगकर्ता हुन् ।

दुरसञ्चार धेरै सुस्त

सरकारी लगानीमा सञ्चालित दुरसञ्चार प्राधिकरणको भन्दा वल्र्डलिंकले करिब तेब्बर ग्राहक पुर्‍याएको छ । २०७८ वैशाखसम्म दुरसञ्चारका भन्दा १ लाख ८४ हजार ८६८ बढी ग्राहक बनाएको वर्ल्डलिंकले एकै वर्षमा डेढ लाख बढी ग्राहक थप्दै दुरसञ्चारभन्दा ३ लाख ३१ हजार ८८८ बढी ग्राहक बनाएको हो ।

यो अवधिमा दुरसञ्चार भने निक सुस्त देखिएको छ । वर्ल्डलिंकले झण्डै दुइ लाख ग्राहक थप्दा दूरसञ्चारले भने मुस्किलले ५ हजार ग्राहक बढाएको छ ।

सम्बन्धित समाचार

एक वर्षमा थपिए ५ लाख इन्टरनेट प्रयोगकर्ता, कसका ग्राहक कति ?