हामी सबैकाे संसारन्यूज

काठमाडौं । एनआईसी एशिया बैंकले ओम्नी च्यानल प्रणालीमा आधारित मोबाइल बैंकिङ्ग एपको सूरुवात गरेको छ । बैंकले यस ओम्नी च्यानल एपमार्फत जुनसुकै स्थानबाट, जुनसुकै समयमा स्मार्ट फोनबाटै अधिकतम बैंकिङ्ग सेवाहरू उपभोग गर्न मिल्ने हिसाबले बैंकमा खाता भएका एवं नभएका ग्राहकहरूलाई लक्षित गर्दै यो नयाँ सेवाको सुरुवात गरेको हो ।

हालका एनआईसी एशिया मोबैंक प्रयोगकर्ताहरूले मोबैंक एपलाई अपडेट गरी ओम्नी च्यानल एपमा स्तरोन्नति गर्न सक्ने छ भने नयाँ ग्राहकहरूले प्ले स्टोर वा एप स्टोरबाट डाउनलोड गरी प्रयोग गर्न सक्ने जनाएको छ ।

‘सबथोक यसमै छ’ भन्ने नाराका साथ सुरु गरिएको ओम्नी च्यानल एपबाट ग्राहकहरूले अधिकतम बैंकिङ्ग सेवाहरू सहज एवं सरल रुपमा उपभोग गर्न सक्ने बैंकले विश्वास लिएको छ । साथै निकट भविष्यमा अझ बढी सेवाहरू यसै एपमार्फत दिन तयारी गरेको बैंकले जनाएको छ ।

बैंकका अनुसार यस एपबाट ग्राहकहरूले नगद जम्मा तथा चेक जम्मा गर्न आवेदन दिने देखि नयाँ डेबिट कार्ड तथा प्रिपेड डलर कार्ड अनुरोध, मुद्दती खाता खोल्न, चेक अनुरोध, ई–कमर्श सुचारु, स्कीम ट्रान्सफर, लकर सुविधा लिन लगातका धेरै भन्दा धेरै बैंकिङ्ग सेवाहरू ओम्नी च्यानल एपमार्फत डिजिटल प्राप्त गर्न सक्नेछ ।

त्यसैगरी, बैंकमा खाता नभएका व्यक्तिले पनि यस एप डाउनलोड गरी डिजिटल वालेटको रुपमा प्रयोग गर्न सक्ने बैंकले जनाएको छ । जसबाट क्युआर भुक्तानी, युटिलिटी बील भुक्तानी लगायतका सेवा लिन सक्ने बताइएको छ । ग्राहकको उक्त वालेटमा केवाईसी अद्यावधिक गरे पश्चात् भने सो वालेट प्रयोगकर्ता बैंकको खातावाला बन्न सक्ने व्यवस्था रहेको बैंकले जनाएको छ ।

बैंकले हाल ३५९ शाखा कार्यालयहरू, ४७३ एटिएम, १०२ वटा विस्तारित काउन्टर एवं ८१ वटा शाखा रहित बैंकिङ्गमार्फत् बैंकिङ्ग सेवा प्रदान गर्दै आएको जनाएको छ ।

एनआईसी एशिया बैंकको विभिन्न सेवाहरु टेलिकमको नेटवर्कमा निःशुल्क