Sansar News
काठमाडौं । जनता समाजवादी पार्टी (जसपा) का मन्त्रीहरुको हेरफेरलाई लिएर डा. बाबुराम पक्षले असन्तुष्टि जनाएको छ ।
जसपाका अध्यक्ष उपेन्द्र यादवले पार्टीका तर्फबाट सरकारमा सहभागी मन्त्रीहरुलाई फिर्ता बोलाएर अन्यलाई पठाउने विषयमा एकलौटी निर्णय गरेको भन्दै भट्टराई पक्षले त्यसलाई कार्यान्यवनमा नल्याउन दबाव दिन आजै प्रधानमन्त्री शेरबहादुर देउवालाई भेट्ने बताएको छ ।
अध्यक्ष उपेन्द्र यादवले एकलौटी निर्णयबाट मन्त्री हेरफेर गरेको कुरा आफुहरुलाई स्वीकार्य नभएको जसपाका कार्यकारिणी सदस्य गंगा श्रेष्ठले बताए । उनले पार्टीमा आन्तरिक छलफल नै नगरी तीनजना फिर्ता बोलाउने र तीनजना पठाउने एकलौटी निर्णय गलत भएको भन्दै यसलाई सच्याउनुपर्ने बताएका छन् ।
वि.सं.२०७९ असार २० सोमवार १२:५२ मा प्रकाशित
