हामी सबैकाे संसारन्यूज

काठमाडौं । नेकपा (माओवादी केन्द्र) निकट भातृ संगठन अनेरास्ववियु  (क्रान्तिकारी)ले नेपाल राष्ट्र बैंकका गर्भनर महाप्रसाद अधिकारीलाई तत्काल बर्खास्त गर्न माग गरेको छ ।

अधिकारी हालै मात्र प्रमुख प्रतिपक्ष दल एमालेको अर्थ तथा योजना बिभागको सदस्यको रुपमा जिम्मेवारी प्राप्त गरेको कुराले गम्भीर बनाएको भन्दै उनलाई तत्काल पदबाट बर्खास्त नगरिए आन्दोलनको आँधीबेहरी सृष्टि गर्ने चेतावनी समेत सो संगठनले दिएको छ ।

‘राष्ट्र बैंकको गभर्नर नेपाल सरकारको मौद्रिक नीति निर्माणको नेतृत्व हो । सरकारको बित्तीय नीतिलाई सफल बनाउने गरि मौद्रिक नीति निर्माण गर्ने र बित्तीय क्षेत्रको नेतृत्व गर्नुपर्ने नेपाल राष्ट्र बैंकका बर्तमान गभर्नर बिगत देखि नै विभिन्न सेयर कारोबारमा अबैध संलग्नता, क्रीप्टो करेन्सी लगायत प्रकरणमा बिबादास्पद बनेका थिए,’ क्रान्तिकारीकी अध्यक्ष पन्चासिंहद्धारा जराी विज्ञप्तिमा भनिएको छ, ‘उनले हालै मात्र प्रमुख प्रतिपक्ष दलको अर्थ तथा योजना बिभागको सदस्यको रुपमा जिम्मेवारी प्राप्त गरेको कुराले हामीलाई गम्भीर बनाएको छ ।’