हामी सबैकाे संसारन्यूज

काठमाडौं । देशैभरी सक्रिय रहेको मनसुनी वायुको प्रभावका कारण देशका विभिन्न भू–भागमा सामान्यदेखि मध्यम वर्षा भइरहेको छ ।

मौसम पूर्वानुमान महाशाखाका अनुसार आज दिउँसो लुम्बिनी प्रदेश, कर्णाली प्रदेश र सुदुरपश्चिम प्रदेशका पहाडी भू–भागका केही स्थानहरुमा र बांकी भु–भागका थोरै स्थानहरुमा मेघ गर्जन÷चट्याङ्ग सहित हल्का देखि मध्यम वर्षाको सम्भावना रहेको छ ।

त्यस्तै राति पनि देशभर आँशिक देखि सामान्य बदली रही प्रदेश १, मधेश प्रदेश र बागमती प्रदेशका केही स्थानहरुमा र बाँकी प्रदेशका थोरै स्थानहरुमा हल्कादेखि मध्यम वर्षाको सम्भावना महाशाखाले जनाएको छ ।

त्यसैगरी आज दोलखा, सिन्धुपाल्चोक, रसुवा, धादिङ, गोरखा, रुकुम पश्चिम, सल्यान, जाजरकोट, दैलेख, बैतडी र डडेल्धुरा आसपास भएर बहने स–साना नदीहरुको बहाव बढ्ने हुनाले सतर्कता अपनाउन अनुरोध गरिएको छ ।

त्यसैगरी बाढी पूर्वानुमान महाशाखाले साउन ३ देखि ५ गतेसम्म देशभरका नदीनालाहरुमा बहाव उल्लेख्य बढ्ने र केही नदीहरुमा बहाव सतर्कता तहसम्म पुग्ने हुनाले तटीय क्षेत्रमा शतर्कता अपनाउन अनुरोध गरिएको छ ।