हामी सबैकाे संसारन्यूज

काठमाडौं । राष्ट्रिय प्रजातन्त्र पार्टी (राप्रपा) का चार नेताले पार्टी छाडेका छन् ।

पार्टीको हित विपरित कार्य गरेको आरोप लगाउदै गत बुधबार बसेको राप्रपाको केन्द्रीय कार्यसम्पादन समिति बैठकले दिलनाथ गिरी, श्याम तिमल्सिना, केशवराज श्रेष्ठ र दिलविकास राजभण्डारीसहितका चार नेतालाई स्पष्टीकरण सोधेपछि गिरी, तिमिल्सिना, श्रेष्ठ र राजभण्डारीले मंगलबार विज्ञप्ति नै जारी गरेर राप्रपाको साधारण सदस्यसमेत नरहने गरी पार्टीबाट अलग भएको घोषणा गरेका हुन् ।

‘हामीले फराकिलो र सकारात्मक सोचका साथ संबादको वातावरण निर्माण गर्न खोज्दा पार्टी नेतृत्वले अप्रजातान्त्रिक र निर्मम ढंगले तल्लोस्तरको लान्छना लगाउदै अपराधी झै करार गर्दै अपमानित गर्ने दुश्प्रयास भयो, ‘उनीहरुद्धारा जारी संयुक्त विज्ञप्तिमा भनिएको छ, ‘जुन एउटा विधि, पद्धति र प्रणालीमा विश्वास गर्ने स्वाभिमानीको निमित्त स्विकार्य हुने सक्ने विषय थिएन ।’