Sansar News
काठमाडौं । प्रभु बैंकका ग्राहकले स्टार हस्पिटलमा विषेश छुट पाउने भएका छन् । बैंक र हस्पिटलबिच आकर्षक छुट सम्बन्धी सम्झौता भएको हो ।
उक्त सम्झौतामा बैंकका तर्फबाट डिजिटल सेल्स् विभागका प्रमुख भेष राज धमला र स्टार हस्पिटल प्रा.लि.का तर्फबाट कार्यकारी अध्यक्ष किशोर कुमार महर्जनले हस्ताक्षर गरेका छन् ।
सम्झौता अनुसार प्रभु बैंकमा खाता खोली बैंकिङ्ग कारोबार गरिरहेका सम्पूर्ण ग्राहकहरुले स्टार हस्पिटलद्धारा सञ्चालित सेवा मध्ये बेड चार्ज तथा अनुसन्धान सेवामा १० प्रतिशत छुट प्राप्त हुने छ ।
बैंकका अनुसार उक्त सम्झौता अन्तर्गत हस्पिटलमा सुविधा लिन चाहने प्रभु बैंकका ग्राहकहरुले बैंकको डेबिट कार्ड, क्रेडिट कार्ड, मोबाइल बैंकिङ्ग, इन्टरनेट बैंकिङ्ग, क्यु आर र पीओएस मेसिन च्यानलहरु प्रयोग गरी भुक्तानी गर्दा, स्टार हस्पिटलका सेवाहरुमा आकर्षक छुट प्राप्त हुने व्यवस्था मिलाईएको छ । बैंकले यस सम्झौताबाट बैंकका सम्पूर्ण ग्राहकहरु लाभान्वित हुने विश्वास लिएको छ ।
वि.सं.२०७९ साउन ४ बुधवार १३:५५ मा प्रकाशित
