हामी सबैकाे संसारन्यूज

काठमाडौं । नेपालमा बैशाख यता घटेका विपत् विभिन्न घटनामा चट्याङबाट मात्रै ५४ जनाको मृत्यु भएको छ ।

राष्ट्रिय विपद् जोखिम न्यूनिकरण तथा व्यवस्थापन प्राधिकरणद्धारा जारी सूचना अनुसार बैशाख १ देखि साउन ३ गतेसम्म भएका १५७ चट्याङका घटनाबाट ५४ जनाको मृत्यु भएको छ भने १२८ जना घाईते भएका छन् ।

उक्त सूचना अनुसार यो तीन महिनामा पहिरो, बाढी, भारी वर्षा, सर्पदंश, आगलागी, जंगलमा भएको आगलागी र हावाहुरीका घटनाबाट १२७ जनाले ज्यान गुमाएका छन् । जसमध्ये चट्याङबाट ज्यान गुमाउनेको संख्या बढी रहेको छ । उक्त घटनाबाट २१९ परिवार प्रभावित भएका छन् ।

त्यसैगरी ६०३ आगलागीका घटनाबाट तीन महिनाको अवधिमा १९ जनाको मत्यु, ७३ जना घाईते र ६८७ घरपरिवार प्रभावित भएका छन् । साथै जंगलमा भएको ५३ आगलागीका घटनाबाट १ जनाको मृत्यु भएको छ ।

त्यस्तै ८० वटा पहिरोका घटनाबाट १७ जनाको मृत्यु, २२ घाइते र १०४ परिवार प्रभावित भएका छन् । साथै ५७ वटा जनावर आतंकका घटनाबाट १२ जना र ९५ हावाहुरीका घटनाबाट ९ जनाको मृत्यु, ३४ घाईते र २६० घरपरिवार प्रभावित भएको पनि सूचनामा उल्लेखछ ।
उक्त सूचना अनुसार १७ वटा बाढीका घटनाबाट ३ जना, भारी वर्षाका कारण ५ जना, सर्प दंशका कारण ७ जना, भूकम्प र डु्रगा पल्टेर बेपत्ता भएका १/१ जनाको मृत्यु भएको छ ।

त्यसैगरी कुल ११३० विपद्का घटनाबाट १२७ जनाको मृत्यु भएको छ भने ३१५ जना घाईते भएका छन् । समर्थ १४६२ घर परिवार प्रभावित भएका छन् ।