Sansar News
काठमाडौं । आज देशका पहाडी भू–भागमा सामान्य देखि पूर्ण बदली रही बाँकी भू–भागमा आंशिक देखि सामान्य बदली रहनुका साथै देशको पहाडी भू–भागका केही स्थानहरूमा र अन्य भू–भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।
त्यस्तै राति पनि देशभर आंशिकदेखि सामान्य बदली रही देशको पहाडी भू–भागका केही स्थानहरूमा र अन्य भू–भागका थोरै स्थानहरूमा मेघ गर्जन÷चट्याङ्ग सहित हल्का देखि मध्यम वर्षाको सम्भावना रहेको छ । साथै गण्डकी प्रदेश को एक वा दुई स्थानमा भारी वर्षाको पनि सम्भावना रहेको छ ।
आगामी ३ दिनसम्म प्रमुख नदीहरू कर्णाली, महाकाली, कन्काई, कमला, बाग्मती, पश्चिम राप्ती, बबई र यसका सहायक नदीहरुको बहाव सामान्य बढ्ने छ भने आज र भोलि कोशी, नारायणी र यसका सहायक नदीहरुको बहाव उल्लेख्य बढ्ने तथा सतर्कता तह भन्दा तलै रहने पूर्वानुमान रहेको नेपाली बाढी पूर्वानुमान महाशाखाले जनाएको छ ।
इलाम, झापा, संखुवासभा, दोलखा, रामेछाप, सिन्धुपाल्चोक, नुवाकोट, रसुवा, काभ्रेपलान्चोक, काठमाडौं, ललितपुर, भक्तपुर, चितवन, नवलपरासी पूर्व, रुकुम पशिचम र जाजरकोट भइ बहने स–साना नदीहरुमा बहाव बढ्ने र केहीमा आकस्मिक बहाव बढ्ने सम्भावना रहेको महाशाखाले जनाएको छ ।
वि.सं.२०७९ साउन ७ शनिवार ०९:३५ मा प्रकाशित
