हामी सबैकाे संसारन्यूज

काठमाडौं । निर्वाचन आयोगमा २१ करोडको छपाई मसिन प्रयोग बिहिन अवस्थामा रहेको छ ।

आयोगले २०७४ मा रु १० करोड ५५ लाख ४० हजारको हाइ स्पिड डिजिटल कलर प्रिन्टर १ थान र रु ११ करोड २८ लाख मूल्यका २ थान छाड स्पिड डिजिटल मोनोक्रोमसमेत रु २१ करोड ८३ लाख ४० हजारको अत्याधुनिक छपाई मेसिन प्रयोग विहिन अवस्थामा रहेको महालेखा परीक्षकको कार्यालयको प्रतिवेदनमा उल्लेखछ ।

‘विगतमा खरिद गरिएको मेसिनको प्रयोग सम्बन्धमा सार्वजनिक लेखा समितिको २०७७/५/२२ को मेसिन प्रयोग गर्ने निर्देशन समेत कार्यान्वयन भएको देखिएन,’ महालेखाको प्रतिवेदनमा भनिएको छ,‘तर्सथ उक्त मेसिन प्रयोग गर्ने व्यवस्था मिलाई यसरी मेसिन प्रयोग गर्न नसक्ने सम्भाव्यता अध्ययन बेगर खरिद गरेर प्रयोग नहुने अवस्था सिर्जना भएको सम्बन्धमा भविष्यमा यस्ता कार्य नदोहोरिने गरि सम्बन्धीत पदाधिकारीलाई कारबाही हुनुपर्दछ ।’

त्यसैगरी आयोगमा रहेका मूल्य नखुलेका ६५९ थान ल्यापटपमध्ये ५८१ थान कोर आइ थ्री ल्यापटप उपयोगविहीन रहेका छन् । ‘उपकरणहरु मर्मत गरी प्रयोगमा ल्याउने र मर्मत नहुने अवस्थामा प्राविधिक पुष्ट्याइसहित लिलाम बिक्रिी गर्नेतर्फ कारबाही गरिनु पर्दछ ।’ महालेखाको प्रतिवेदनमा भनिएको छ ।