Sansar News
काठमाडाैं । पूर्वप्रधानमन्त्री डा. बाबुराम भट्टराईले नेपाल समाजवादी पार्टी निर्वाचन आयोगमा दर्ता गराएका छन् । जनता समाजवादी पार्टीबाट अलग भएका भट्टराईले नयाँ पार्टी दर्ता गरेका हुन् ।
जसपामा विवाद भएपछि अध्यक्ष उपेन्द्र यादवसँग भट्टराईले सौहार्दपूर्णरूपमै अलग हुने सहमति गरेका थिए । असार अन्तिम साता बेग्लै केन्द्रीय समितिकाे बैठक राखेर उनले अलग हुने निर्णय लिएका थिए ।
माओवादीबाट अलग भएका भट्टराईको यो चौथो पार्टी हो । तथापी पछिल्लो समय उनी समाजवादी केन्द्र बनाउने गरी माओवादी केन्द्रसँग छलफलमा छन् । उनलाई पुनः पार्टीमा फर्काउन माओवादी केन्द्रका अध्यक्ष पुष्पकमल दाहाल ‘प्रचण्ड’ले निरन्तर छलफल गरिरहेका छन् ।
भट्टराईले २०७४ भएकाे प्रतिनिधि सभा सदस्य निर्वाचनमा गोरखा क्षेत्र नम्बर २ मा तत्कालीन नयाँ शक्तिबाट आँखा चुनाव चिन्हमा लडेर जितेका थिए ।
वि.सं.२०७९ साउन १२ बिहीवार १८:२२ मा प्रकाशित
