हामी सबैकाे संसारन्यूज

काठमाडौं । नेकपा (माओवादी केन्द्र)का सांसद गजेन्द्र महतले एमालेको अर्थ विभागमा रहेका एम अधिकारी गभर्न महाप्रसाद अधिकारी नै रहेको भन्दै कारबाहीको माग गरेका छन् । शुक्रबारको संसद बैठकमा बोल्दै उनले यस्तो माग गरेका हुन् ।

एमालेले एम अधिकारीको अर्थपूर्णं रुपमा नाम राखेको उनकाे भनाई छ। उनका अनुसार ‘एम’ भनेको मनी र ‘अधिकारी’ भनेको अधिकार भएको व्यक्ति हो । जसअनुसार एम अधिकारी राज्यको ढुकुटी चलाउने महाप्रसाद अधिकारी हुन् ।

महतले आफुले सुरुदेखि नै सीसीटीभी फुटेज प्रकरणभन्दा एम अधिकारीको खोजी आवश्यक रहेको बताउँदै आएपनि संसदले वेवास्ता गरेको बताए । उनले छानबिन समिति नबने पनि आफु एक्लैले तथ्यहरु खोजेको बताएका छन् ।

“यति धेरै आवाज उठ्यो तर, संसदले छानबिन समिति बनाए, म आफैंले खोज्नुपर्‍यो भनेर जुटेँ, मैंले प्रमाण भेटाएँ सभामुख”, उनले भनेका छन्, “एम भनेको मनी र अधिकारी भनेको अधिकार भएको मान्छे । ढुकुटीमा अधिकार भएको मान्छे । त्यो गभर्नर नै रहेछन् । मैंले छानबिन गरेर बुझाँए, अब उहाँमाथि कारबाही होस् ।”

गभर्नर महाप्रसाद अधिकारीलाई एम अधिकारीको नाममा एमालेले अर्थ विभागमा नियुक्त गरेको छ । तर, तथ्यहरु सार्वजनिक भइसक्दा पनि अधिकारीमाथि कारबाही हुन सकेको छैन् ।