Sansar News
काठमाडौं । नेपालमा पछिल्लो २४ घण्टामा ७१० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ५ हजार २५ नमुना परीक्षणमा थप ७१० कोरोना संक्रमित थपिएका हुन् ।
आज थपिएका ७१० जनासँगै नेपालमा कोरोनाबाट संक्रमित हुनेको संख्या ९ लाख ८५ हजार ४१५ पुगेको छ ।
त्यसैगरी आज निको भएका २१५ जनासँगै हालसम्म निको हुनेको कुल संख्या ९ लाख ६९ हजार २१९ पुगेको छ ।
त्यस्तै आज कोरोना संक्रमणबाट २ जनाले ज्यान गुमाएका छन् । आज मृत्यु भएका २ जनासँगै नेपालमा कोरोनाबाट ज्यान गुमाउनेको संख्या ११ हजार ९६२ पुगेको छ ।
नेपालमा हाल ४ हजार २३६ जना सक्रिय सक्रमित रहेका छन् । ती मध्ये ४,०८० जना होम आइसोलेशनमा, १५६ जना संस्थागत आइसोलेशन र ३३ जनाको आइसीयुमा उपचार भइरहेको छ । साथै ३ जनाको भेन्टिलेटरमा उपचार भइरहेको छ ।
पछिल्लो २४ घण्टामा ५९ हजार ४७१ मत्रा कोरोना भाइरसविरुद्धको खोप लगाइएको छ ।
वि.सं.२०७९ साउन १३ शुक्रवार १७:४५ मा प्रकाशित
