Sansar News
काठमाडौं । हाल मनसुनको न्यून चापिय रेखा पश्चिममा सरदर स्थानको आसपास र पूर्वमा सरदर स्थान उत्तरतिर अवस्थित रहेको छ ।
आज दिउँसो देशभर सामान्य बदली रही देशका धेरै स्थानहरूमा मेघ गर्जन÷चट्याङ्ग सहित हल्कादेखि मध्यम वर्षाको सम्भावना रहेको छ । साथै सुदूरपश्चिम, कर्णाली, लुम्बिनी र गण्डकी प्रदेशका थोरै स्थानहरुमा र बांकी प्रदेशका एक–दुई स्थानहरुमा भारी वर्षाको सम्भावना रहेको मौसम पूर्वानुमान महाशाखाले जनाएको छ ।
महाशाखाका अनुसार राति पनि प्रदेश नं १ र मधेश प्रदेशका एक वा दुई स्थानमा भारी वर्षाको पनि सम्भावना रहेको महाशाखाले जनाएको छ ।
त्यसैगरी आज संखुवासभा, कपिलवस्तु, दाङ, बाँके, बर्दिया, कैलाली, कन्चनपुर, अछाम, डोटी र डडेल्धुरा आसपास भइ बहने नदीको वहाव बढ्ने तथा केहीमा आकस्मिक वहाव आउन सक्ने हुनाले शतर्कता अपनाउन अनुरोध गरिएको छ ।
वि.सं.२०७९ साउन १४ शनिवार ०९:४७ मा प्रकाशित
