Logo
२ भाद्र २०७९, बिहीबार
     Thu Aug 18 2022
E-paper
  English Edition
   Unicode
Logo

कविताः शान्ति क्षेत्र नेपाल



अर्जुन शर्मा निरौला
गीतखोला,कालेबुङ भारत

पृथ्वीको श्रीपेच, सगरमाथा मुकुट
हिमाल,पहाड, नदी अनि तालहरूको देश नेपाल ।
मन्दिर,देवधाम हरियो वन
सयौं थुङागा फूलका एउटै माला नेपाली
चन्द्र सूर्य राष्ट्रिय प्रतिक भएको
मेरो पुर्खाहरूको देश ।

शान्ति क्षेत्र नेपाल
राजा भएको नेपाल
बिष्णु अवतार मानिएका राष्ट्रनायक
दन्ते कथा भयो आज ।
शान्ति क्षेत्र नेपालमा
खोलो बग्यो रगतको ।
भाइले भाइलाई मारे, आफ्नुले आफ्नैलाई काटे
श्रीपेच मासे, स्वतन्त्र बने जनता
पृथ्वीनारायण शाहले एक सुत्रमा बाँधेको मुलुक
टुक्रा टुक्रा पारे, जात जातमा बाँडे
लिम्बुवान, खम्बुवान, ताम्शालिङ यस्तै यस्तै…
खोइ ? सयौँ थुङ्गा फूलका एउटै माला नेपाली ?
खोई ? पृथ्वी शाहको सिङ्गो नेपाल ?
खोई ? विशाल नेपाल ?
घटिरहेछ भूभाग
लुटिरहेछन् बैरीहरूले
लुछालुछ गरिरहेछन्
मुकुट बिहिन राजाहरू, श्रीपेच हत्याउन ।

शान्तिका अग्रदूत
सिद्धार्थ गौतम जन्मेको देश
राजा जनकको जन्मभूमि
रोईरहेछ नेपाल
आंशु झारिरहेछ पुर्खाको मुलुक
घटिरहेछ साँझ सिमानाहरू
लुटिरहेछन् देशको माटो
चतुर छिमेकीहरू मुलुकहरू
लाप्पा खेलिरहेछन्
एकाअर्कामा हिमाल पुत्रहरू
राजनैतिक चौकी हत्याउन
मेरो पुर्खाको मुलुक
विश्व मानचित्रमा रहला के त ?
शान्ति क्षेत्र नेपाल
मेरो पुर्खाको मुलुक ।


यो खबर पढेर तपाईलाई कस्तो महसुस भयो ?

काठमाडौं । आगामी चुनावमा तालमेल गरेर अघि बढ्ने सहमति गरेपनि पाँच दलीय सत्ता गठबन्धनमा

काठमाडौं । सिडिएस एन्ड क्लियरिङ लिमिटेड (सिडिएसिसी)ले सञ्‍चालन गरेको मेरो सेयरको वेबसाइट बेलुका ५ः३०

बैतडी । बलात्कारको आरोप लागेका पुर्चौंडी बहुमुखी क्याम्पसका प्रमुख राजेन्द्रसिंह नेगीलाई कारागार चलान गरिएको

काठमाडौं । २०७४ मा भएको प्रतिनिधिसभा निर्वाचनमा नेकपा (एमाले)ले स्याङ्जाका दुवै निर्वाचन क्षेत्र जितेको