Sansar News
काठमाडौं । नेपाल कम्युनिष्ट पार्टी (माओवादी) का महासचिव नेत्रविक्रम चन्द ‘विप्लव’ लगायतका नेताहरुलाई पक्राउ पूर्जी जारी गरिएको छ ।
ललितपुर जिल्ला अदालतले सोमबार एक सूचना जारी गर्दै महासचिव विप्लव, खड्गबहादुर विश्वकर्मा (प्रकाण्ड) लगायतका नेताहरुविरुद्ध हातहतियार तथा खरखजाना समेतको मुद्दा, विस्फोटक पदार्थ विस्फोटन गराई कर्तव्य ज्यान, राज्य विरुद्धको अपराध समेतको मुद्दा, हातहतियार तथा विस्फोटक पदार्थ सम्बन्धी कसुरको मुद्दामा पक्राउ पूर्जी जारी गरेको हो ।
अदालतले हात हतियार तथा खरखजाना मुद्दामा विप्लवसहित मोहनबहादुर कार्की, भक्तपुर जिल्ला इन्चार्ज टेकबहादुर केसी, भरतबहादुर बम, पदमबहादुर राईलाई पक्राउ पुर्जी जारी गरेको हो ।
उनीहरुलाई ३५ दिनभित्र अदालतमा उपस्थित हुन भन्दै उपस्थितत नभएमा मुलुकी फौजदारी कार्यविधि संहिता २०७४ को दफा ६५ बमोजिम कारबाही गरिने पक्राउ पूर्जीमा उल्लेख गरिएको छ ।
वि.सं.२०७९ साउन १६ सोमवार ०८:५२ मा प्रकाशित
