Sansar News
काठमाडाैं । राष्ट्रिय प्रजातन्त्र पार्टी (राप्रपा)का वरिष्ठ नेता पशुपतिशमशेर जबराले महाकाली सन्धिलाई अगाडि बढाउनुपर्ने बताएका छन् । पूर्व सचिव द्वारिकानाथ ढुंगेलले लेखेको ‘चक्रब्युहमा नेपालको जलस्रोत’ नामक पुस्तकको विमोचन कार्यक्रममा उनले महाकाली सन्धीकाे प्रसंग निकालेका हुन् ।
महाकाली सन्धी गर्न एमाले अध्यक्ष केपी शर्मा ओलीले अग्रसरता नलिएकाे भए सम्भव नहुने जबराकाे भनाइ छ । महाकाली सन्धि गर्दा जलस्रोत मन्त्री रहेका राणाले अहिलेका प्रधानमन्त्री शेरबहादुर देउवा र एमाले अध्यक्ष ओलीको भूमिका निर्णायक रहेकाे बताए ।
जबराले महाकाली सन्धिलाई अगाडि बढाएर जलस्रोतको समुचित प्रयोग गर्नुपर्ने बताए । ओली र देउवाले सन्धीलाई अगाडि बढाउन भूमिका खेल्नुपर्ने जबराकाे भनाइ छ ।
पूर्व जलस्रोत सचिव ढुंगेलको पुस्तक एमाले अध्यक्ष ओलीले विमोचन गरेका छन् ।
वि.सं.२०७९ साउन १७ मंगलवार १२:२१ मा प्रकाशित
