Sansar News
भक्तपुर । नेपाली कांग्रेसका महामन्त्री गगन थापाले आगामी निर्वाचनको तयारीमा लाग्न कार्यकर्तालाई निर्देशन दिएका छन् । महामन्त्री थापाले स्व. श्यामबहादुर कार्कीको १५औँ स्मृति दिवसका उपलक्ष्यमा आज भक्तपुरको बालकोटमा श्यामबहादुर स्मृति प्रतिष्ठानले आयोजना गरेको कार्यक्रममा बोल्दै यस्तो निर्देशन दिएका हुन् ।
महामन्त्री थापाले मङ्सिर ४ गते हुने सङ्घीय र प्रदेशसभाको निर्वाचनको तयारीमा लाग्न कार्यकर्तालाई निर्देशन दिएका छन् । उनले कांग्रेसलाई बहुमत आउने गरी चुनावको तयारीमा लाग्न कांग्रेसका सबै नेता तथा कार्यकर्तालाई निर्देशन दिएका हुन् ।
महामन्त्री थापाले कार्यकर्तालाई भक्तपुरका दुवै क्षेत्रमा कांग्रेसको झण्डा फहराउन आग्रहसमेत गरेका छन् ।
वि.सं.२०७९ साउन २१ शनिवार १५:४८ मा प्रकाशित
