Sansar News
काठमाडौं । हाल मनसुनको न्यून चापीय रेखा सरदर स्थान भन्दा दक्षिणमा अवस्थित रहेको छ ।
आज देशभर आंशिक देखि सामान्य बदली रही देशका पहाडी भू–भागका केही र बाँकी भू–भागका थोरै स्थानहरूमा मेघ गर्जन÷चट्याङ्ग सहित हल्का देखि मध्यम वर्षाको सम्भावना रहेको छ ।
त्यस्तै राति पनि प्रदेश १ र बागमती प्रदेशको केही भू–भागहरूमा र बाँकी भू–भागका थोरै स्थानहरूमा मेघ गर्जन÷चट्याङ्ग सहित हल्का देखि मध्यम वर्षाको सम्भावना रहेको छ ।
त्यस्तै आज दोलखा, सिन्धुपाल्चोक, नुवाकोट, धादिङ, काठमाडौं, भक्तपुर, लमजुङ, कास्की, म्याग्दी, रुकुम पश्चिम र जाजरकोट भइ बहने केही स–साना नदीमा बहाव बढ्ने र केहीमा आकस्मिक बाढी आउन सक्ने हुनाले सतर्कता अपनाउन अनुरोध गरिएको छ ।
वि.सं.२०७९ साउन २३ सोमवार ०९:१३ मा प्रकाशित
