Sansar News
काठमाडौं । नेकपा एमाले निकट राष्ट्रिय युवा संघ नेपालले केन्द्रीय समितिलाई पूर्णता दिएको छ ।
संघको केन्द्रीय कमिटीको साउन १४ र १५ गते बसेको केन्द्रीय समितिको बैठकले १७ सदस्यीय केन्द्रीय पदाधिकारीसहित ४९१ सदस्य रहेको केन्द्रीय कमिटी बनाएको हो ।
किरण पौडेल अध्यक्ष रहेको उक्त समितिमा उपाध्यक्ष ९, महासचिव १, उपमहासचिव २ र ४ जना सचिव गरेर केन्द्रीय पदाधिकारीमा १७ जना रहेका छन् ।
अध्यक्ष पौडेलका अनुसार ९ जना उपाध्यक्षमा क्रान्ति बुर्लाकोटी कास्की, सन्तोष रावल म्याग्दी, अमित लामा काभ्रेपलान्चोक, अन्जना अधिकारी मोरङ, सुमन पुरी रुपन्देही, कृष्णहसरि केसी रामेछाप, रामजी सापकोटा कास्की, सिता सुवेदी बारा गरी ९ जना उपाध्यक्ष रहेका छन् भने महासचिवमा क्षितिज थेवे ताप्लेजुङ र उपमहासचिवमा रमेश तिवारी खोटाङ र विजय डाँगी मोरङ रहेका छन् ।
त्यसैगरी सचिवमा विकास ज्ञवाली दाङ, बैजनाथ साह सिराहा र विस्ना चन्द बैतडी गरी ४ जना रहेका छन् ।
यस्तो छ नामावली
वि.सं.२०७९ साउन २४ मंगलवार १६:२३ मा प्रकाशित
