हामी सबैकाे संसारन्यूज

काठमाडौं । पछिल्ला केहीदिनयता विभिन्न जिल्लाबाट जारी गरिएको केही नागरिकतामा सम्बन्धीत व्यक्तिको नाम जनावर लगायतसँग जोडेर बनाइएको पाइएपछि गृहमन्त्रालयले त्यसप्रति ध्यानाकर्षण भएको जनाएको छ ।

मन्त्रालयले विभिन्न जिल्लाबाट जारी भएका नेपाली नागरिकताको प्रमाणपत्र जारी गर्दा अपमानजनक शब्द राखी जारी भएको सम्बन्धमा ध्यानाकर्षण भएको जनाउँदै आगामी दिनमा त्यस्तो नाम राखेर नागरिकता नबनाउन सम्बन्धीत निकायलाई निर्देशन दिएको हो ।

‘अपमानजनक शब्द प्रयोग गरी नागरिकता व्यक्तिको नाम र थर जनिने गरी नागरिकता प्रमाणित जारी नगर्ने ।’ मन्त्रालयद्धारा जारी विज्ञप्तिमा भनिएको छ ।

त्यसरी अपमानजनक शब्द प्रयोग गरी जारी भएका नागरिकता प्रमाणपत्रमा सम्बन्धीत व्यक्तिले सच्याउन माग गरेमा आवस्यक प्रक्रिया पूरा गरेर सच्याउन समेत मन्त्रालयले निर्देशन दिएको छ ।