Sansar News
काठमाडौं । सिटिजन्स बैंक इन्टरनेसनलका ग्राहकले कर्णाली र्याफ्टिङ एण्ड एडभेन्चर प्रा.लि.मा आकर्षक छुट पाउने भएका छन् । बैंक र कैलाली, टिकापुरस्थित कर्णाली र्याफ्टिङबीच बैंकका ग्राहकलाई आर्कषक छुट दिने समझदारीपत्रमा दुई पक्षबीच हस्ताक्षर भएको हो ।
सो समझदारी पश्चात् सिटिजन्स बैंकका कार्ड बाहकहरुले कर्णाली र्याफ्टिङका र्याफ्टिङ प्याकेजहरुमा १० प्रतिशत सम्म छुट पाउने बैंकले जनाएको छ । यस सहकार्यबाट बैंकका ग्राहकहरु लाभान्वित हुने विश्वास बैंकले लिएको छ ।
यस सुविधाबाट स्थानीय सेवा ग्राहीहरुले गुणस्तरीय सेवा प्राप्त गर्नुका साथै अधिकतम लाभ समेत प्राप्त गर्ने बैंकले जनाएको छ । बैंकले यसले ग्राहकहरुलाई छुटको सुविधा उपलब्ध गर्नुका साथै नगद कारोबारबाट डिजिटल कारोबार तर्फ उत्प्रेरित गर्ने विश्वास लिएको छ ।
वि.सं.२०७९ साउन २६ बिहीवार १३:१९ मा प्रकाशित
