हामी सबैकाे संसारन्यूज

काठमाडौं । नेपालमा केही दिनयता कोरोना संक्रमितको संख्या बढेसँगै मृत्यु हुनेको संख्या पनि बढ्न थालेको छ ।

स्वास्थय तथा जनसंख्या मन्त्रालयका अनुसार पछिल्लो २४ घण्टामा ५ जना कोरोना संक्रमितको मृत्यु भएको हो ।

आज थपिएका पाँचजनासँगै नेपालमा कोरोनाबाट मृत्यु हुनेको संख्या ११ हजार ९८२ पुगेको छ ।

त्यसैगरी पछिल्लो २४ घण्टामा ८१५ जना कोरोना संक्रमित थपिएका छन् । मन्त्रालयका अनुसार पछिल्लो २४ घण्टामा गरिएको ४,५३४ नमुना परीक्षणमा ८१५ नयाँ संक्रमित थपिएका ुहन् ।

आज थपिएका ८१५ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ९२ हजार १४६ पुगेको छ ।

त्यस्तै सोहि अवधिमा ४७६ जना कोरोना संक्रमणबाट मुक्त भएका छन् । आज निको भएका ४७६ जनासँगै हालसम्म ९ लाख ७४ हजार २९५ जना कोरोनाबाट निको भएको तथ्यांक मन्त्रालयले सार्वजनिक गरेको छ ।

नेपालमा हाल ५ हजार ८६९ जना कोरोनाका सक्रिय संक्रमित रहेका छन् । ती मध्ये होम आइसोलेशनमा ५ हजार ६७७, संस्थागत आइसोलेशनमा १९२, आइसीयुमा ६० र भेन्टिलेटरमा ८ जनाको उपचार भइरहेको पनि मन्त्रालयले जनाएको छ ।