Sansar News
काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले राष्ट्रहित विपरित रहेको नागरिता विधेयक राष्ट्रपतिले पुनर्विचारको लागि फिर्ता पठाउनुपर्ने बताएका छन् ।
संसदले पारित गरेको नागरिकता विधेयक अधुरो र विवादस्पद रहेको भन्दै अध्यक्ष थापाले .राष्ट्रपतिले सो विधेयक पुनर्विचारको लागि फिर्ता पठाउनु देशहित तथा उहाँको अधिकार र जिम्मेवारी अनुकुल हुने बताएका छन् ।
‘विवाह गरेर ल्याएको भोलिपल्ट नागरिकता दिनसकिने वैवाहिक अंगिकृत सम्बन्धि व्यवस्था राष्ट्रहित विपरित र आपत्तिजनक छ । राष्ट्रपतिले सो विधेयक पुनर्विचारको लागि फिर्ता पठाउनु देश हित तथा उहाँको अधिकार र जिम्मेवारी अनुकुल हुन्छ ।’ थापाले सामाजिक संजाल ट्विटरमा लेखेका छन् ।
वि.सं.२०७९ साउन २६ बिहीवार १७:०४ मा प्रकाशित
