Sansar News
काठमाडौं । हाल मनसुनको न्यून चापिय रेखा सरदर स्थानभन्दा दक्षिणमा अवस्थित रहेको छ ।
आज देशका केही स्थानहरूमा मेघ गर्जन/चट्याङ्ग सहित हल्कादेखि मध्यम वर्षाको सम्भावना रहेको छ । साथै सुदूरपश्चिम, लुम्बिनी, गण्डकी, बागमती तथा प्रदेश १ का एक–दुई स्थानमा मेघ गर्जन/चट्याङ्ग सहित भारी वर्षाको समेत सम्भावना रहेको मौसम पूर्वानुमान महाशाखाले जनाएको छ ।
त्यस्तै राति पनि प्रदेश १ र सुदूरपश्चिम प्रदेशका एक–दुई स्थानमा मेघ गर्जन/चट्याङ्ग सहित भारी वर्षाको समेत सम्भावना रहेको महाशाखाले जनाएको छ ।
त्यसैगरी आज सिन्धुपाल्चोक, नुवाकोट, काठमाडौं, धादिङ, गोरखा, लमजुङ, कास्की, जाजरकोट, दैलेख, सुर्खेत, अछाम, कालिकोट, डोटी, बाजुरा, बझाङ, बैतडी, डडेल्धुरा र कन्चनपुर भइ बहने केही स–साना नदीहरुको बहाव बढ्ने र केहीमा आकस्मिक बहाव बढ्ने पनि बाढी पूर्वानुमान महाशाखाले जनाएको छ ।
वि.सं.२०७९ साउन २९ आइतवार ०८:५८ मा प्रकाशित
