Sansar News
काठमाडौं । राष्ट्रिय स्वतन्त्र पार्टीले आगामी मंसिर ४ मा हुने प्रदेश सभाको निर्वाचनमा सहभागी नुहने भएको छ ।
उक्त पार्टीका अध्यक्ष रवि लामिछानेले बुधबार एक भिडियो सन्देशसहित आफ्हरु प्रदेशसभाको निर्वाचनमा सहभागी नहुने जनाएका छन् ।
‘यस पटकको निर्वाचनमा हाम्रो पार्टी प्रदेश तहमा सहभागी नहुने भएको छ । यो निर्वाचनमा हाम्रो उम्मेदवारी, मात्र संघीय तहको प्रत्यक्ष र समानुपातिक निर्वाचनमा रहने छ,’ अध्यक्ष लामिछानेले भनेका छन, ‘यहि संरचनामा हामी प्रदेश मातहतमा सहभागी हुनु भनेको राज्य कोष दोहनमा सहभागी हुनु बाहेक केही होइन ।’
लामिछानेले आफ्नो पार्टी प्रदेश तहमा सहभागी नहुने कुराको आधिकारिक जानकारी निर्वाचन आयोगलाई गराइसकेको समेत बताएका छन् ।
वि.सं.२०७९ भदौ १ बुधवार ११:४४ मा प्रकाशित
