Sansar News
काठमाडौं । सनराइज बैंकले बुटवल उप-महानगरपालिकाको लक्ष्मी माध्यामिक विद्यालयलाई फिल्टर हस्तान्तरण गरेको छ । बैंकले उप-महानगरपालिका वडा नम्बर ४ मा रहेको सो विद्यालयमा ३०० विद्यार्थीहरुलाई पुग्ने गरी प्रतिघण्टा १००लिटर पानी फिल्टर गर्न सक्ने क्षमताको आरओ फिल्टर प्लान्ट जडान गरेको हो ।
साउन २६ गते बिहिबार विद्यालयमा भएको एक कार्यक्रमकाबिच सो फील्टर प्लान्टको उद्घाटन गरिएको बैंकले जनाएको छ । हस्तान्तरण कार्यक्रममा सनराइज बैंकका नायब महाप्रबन्धक अपछ कुमार यादव, बुटवल उप-महानगरपालिका वडा नम्बर ४ का वडा अध्यक्ष नरिश्वर पौडेल, विद्यालय व्यवस्थापन समितिका पूर्व अध्यक्ष तथा सल्लाहकार परमानन्द भट्टराई, विद्यालयकी प्र.अ. शान्ति शर्मा र विद्यालय व्यवस्थापन समितिका अध्यक्ष बाबुराम ढकालको उपस्थिती रहेको बताइएको छ ।
कार्यक्रममा बोल्दै बैंकको उक्त सामाजिक कार्यले विद्यार्थीहरुलाई विद्यालयमा शुद्ध पिउने पानी पिउन र स्वस्थरुपमा पठनपाठन गर्न मद्दत पुर्याउने विद्यालयकी प्र.अ. शान्ती शर्माले बताइन् । बैंकले सामाजिक उत्तरदायित्व अन्तर्गत शिक्षा, स्वास्थ्य, वातावरणका क्षेत्रमा सहयोग गरिएको र आगामी दिनमा पनि सहयोग गदै जाने बताएको छ ।
वि.सं.२०७९ भदौ १ बुधवार ११:४३ मा प्रकाशित
