Logo
८ आश्विन २०७९, शनिबार
     Sat Sep 24 2022
E-paper
  English Edition
   Unicode
Logo

पि सिङको कला प्रदर्शनी ‘भ्रमण २०२२’ सम्पन्न



काठमाडौं । पि सिङको कला प्रदर्शनी ‘भ्रमण २०२२’ सम्पन्न भएको छ । काठमाडौंको तारागाउँ म्युजियममा १४ अगस्टबाट शुरु भएको सो प्रदर्शनी मंगलबार सम्पन्न भएको हो ।

प्रदर्शनीमा पि सिङका २५ वटा विभिन्न प्रकारका चित्रकलाहरु राखिएको थियो भने उनको छोरी रोश्ल्यान सिङको ५ वटा चित्रकला रहेका थिए । पि सिङको नेपालमा दोस्रो पटकको चित्रकला प्रदर्शनी हो ।

खानेकुरा, नेपाली पहिचान, प्रकृति, शहर र महिलाहरुको विभिन्न भूमिकाको प्रस्तुती झल्किने कलाकृतिहरु प्रदर्शनीमा समावेश गरिएको थियो । प्रदर्शनीमा राखिएका मध्ये ७ वटा कलाकृति बिक्री भएको आर्टिस्ट पी सिङले बताए ।

पेशाले सफ्टवेयर इन्जिनियर रहेका पि सिङ डेढ दशकभन्दा लामो समयदेखि बेलायतमा बस्दै आएका छन् । उनले पेशाको रुपमा नभएर आफ्नो सोंखको रुपमा चित्र बनाउने काम गर्दै आएका छन् । अहिलेसम्म ६० वटा कलाकृति बनाएको उनको भनाइ छ ।

सिङले अहिलेसम्म ४ वटा प्रदर्शनी गरिसकेका छन् । बेलायतमा ‘नेपाल यात्रा’ को नामबाट पहिलो प्रदर्शनी शुरु गरेका सिङको ‘भ्रमण २०२२’ चौथो प्रदर्शनी हो । आफ्नो कला प्रदर्शनीको मुख्य उद्देश्य नेपाललाई चिनाउनु रहेको उनको भनाइ छ ।

यसपटक नेपालमा गरेको प्रदर्शनीबाट आफु निकै उत्साहित भएको बताउँदै उनले आगामी दिनमा थप विस्तारित स्वरुपको पदर्शनी गर्न आफु इच्छुक रहेको बताए । सिङको कलाकृति पदर्शनी कार्यक्रम ‘भ्रमण २०२२’ को आयोजना सेन्टर नेप्लिज कल्चरले गरेको थियो । प्रदर्शनीमा ३ सय भन्दा धेरै व्यक्तिले अवलोकन गरेको संस्थाका अध्यक्ष निर्मलकुमार थापाले बताए । बिक्रीको उद्देश्य प्रदर्शनीमा मुख्य नरहेकाले तुलनात्मकरुपमा सफल भएको थापाको भनाई छ ।


यो खबर पढेर तपाईलाई कस्तो महसुस भयो ?

मोहन अधिकारी, सिलगढी, भारत पशु–पंक्षीहरुको साँस्कृतिक सम्मेलन थियो । सबैले निस्पक्ष निर्णयको लागि सोझो,

कपिल किशोर घिमिरे दाङ्ग, हाल कैलाली १. कलिको माया छलिको कुरा बचने छुरा ।

काठमाडौं । ग्लोबल आइएमई बैंकले २ वर्षमै २ गुणा हुने मुद्दती योजना ल्याएको छ