Logo
८ आश्विन २०७९, शनिबार
     Sat Sep 24 2022
E-paper
  English Edition
   Unicode
Logo

वैदेशिक रोजगारको अँध्यारो पाटो : प्रत्येक वर्ष हजार बढीले गुमाउँछन् ज्यान



काठमाडौं । बितेको १४ वर्षमा रोजगारको शिलशिलामा विदेश गएका करिब ११ हजार नेपालीले ज्यान गुमाएका छन् । वैदेशिक रोजगार वोर्डका अनुसार २०६५ देखि ०७८ को बीचमा वैदेशिक रोजगारीमा जानेहरुमध्ये १० हजार ९३२ जनाले ज्यान गुमाएका हुन् ।

बोर्डले जनाएअनुसार आर्थिक वर्ष २०७८/७९ को बीचमा सबैभन्दा बढीले ज्यान गुमाएका छन् । सो वर्ष वैदेशिक रोजगारीका सिलसिलामा १ हजार ४७९ जनाको मृत्यु भएको वोर्डले जनाएको छ ।

वोर्डका अनुसार वैदेशिक रोजगारीमा गएकामध्ये आर्थिक वर्ष २०६५/६६ मा ७८, २०६६/६७ मा ४२१, २०६७/६८ मा ५६४, २०६८/६९ मा ६४७, २०६९/७० मा ७७२, २०७०/७१ मा ८७७, २०७१/७२ मा १ हजार ६, २०७२/७३ मा ८२६, २०७३/७४ मा ७५८, २०७४/७५ मा ८२६, २०७५/७६ मा ७६३, २०७६/७७ मा ६७२ र २०७७/७८ मा १ हजार २४३ जनाको मृत्यु भएको छ ।

वोर्डका अनुसार पछिल्लो १४ वर्षमा वैदेशिक रोजगारीको सिलसिलामा विभिन्न दुर्घटनाहरुमा परी अंगभंग हुनेको संख्या २ हजार १२५ रहेको छ ।

कोरोना काल सकिएसँगै ह्वात्तै बढे विदेशीने

नेपालबाट वैदेशिक रोजगारमा जानेको संख्या ह्वात्तै बढेको छ । पछिल्लो कोरोना कालसँगै रोजगारीमा जानेको संख्यामा ह्वात्तै बढोत्तरी आएको हो ।

वैदेशिक रोजगार वोर्डका अनुसार गत आर्थिक वर्ष २०७८/७९ मा ६ लाख ३० हजार ९७ जना रोजगारीको लागि विदेशीएका छन् । यो संख्या पुनः श्रम स्वीकृति लिने बाहेकको हो । आर्थिक वर्ष २०७७/७८ मा भने जम्मा ७२ हजार ८१ जना वैदेशिक रोजगारीमा गएका थिए ।

बोर्डका अनुसार कोरोना कालसँगै भने वैदेशिक रोजगारीमा जानेको संख्यामा निकै कमी आएको थियो । आर्थिक वर्ष २०७५/७६ मा २ लाख ३६ हजार २०८ जना विदेशीएका थिए भने आर्थिक वर्ष २०७६/७७ मा १ लाख ९० हजार ४५३ विदेशीएका थिए ।

रेमिट्यान्स पनि बढ्याे

वैदेशिक रोजगारमा जानेको संख्यामा बृद्धि भएसँगै रेमिट्यान्समा पनि बृद्धि भएको छ । वैदेशिक रोजगार विभागले जनाएअनुसार गत आर्थिक वर्ष २०७८/७९ मा ९ खर्ब ८६ अर्ब रुपैयाँ नेपाल भित्रिएको छ । जुन १४ वर्ष यताकै सबैभन्दा ठूलो रकम हो ।

बाेर्डले जनाएअनुसार बितेको १४ वर्षमा वैदेशिक रोजगारीमा गएकाहरुबाट नेपालमा ८४.६६ खर्ब रुपैयाँ रेमिट्यान्स भित्रिएको छ ।

वोर्डका अनुसार आर्थिक वर्ष २०६५/६६ मा २ खर्ब ९ अर्ब रुपैयाँ, २०६६/६७ मा २ खर्ब ३१ अर्ब रुपैयाँ, २०६७/६८ मा २ खर्ब ५३ अर्ब रुपैयाँ, २०६८/६९ मा ३ खर्ब ५९ अर्ब रुपैयाँ, २०६९/७० मा ४ खर्ब ३४ अर्ब रुपैयाँ, २०७०/७१ मा ५ खर्ब ४३ अर्ब रुपैयाँ, २०७१/७२ मा ६ खर्ब १७ अर्ब रुपैयाँ, २०७२/७३ मा ६ खर्ब ६५ अर्ब रुपैयाँ, २०७३/७४ मा ६ खर्ब ९५ अर्ब रुपैयाँ, २०७४/७५ मा ७ खर्ब ५५ अर्ब रुपैयाँ, २०७५/७६ मा ८ खर्ब ७९अर्ब रुपैयाँ, २०७६/७७ मा ८ खर्ब ७५ अर्ब रुपैयाँ र २०७७/७८ मा ९ खर्ब ६१ अर्ब रुपैयाँ रेमिट्यान्स नेपाल भित्रिएको छ ।


यो खबर पढेर तपाईलाई कस्तो महसुस भयो ?

मोहन अधिकारी, सिलगढी, भारत पशु–पंक्षीहरुको साँस्कृतिक सम्मेलन थियो । सबैले निस्पक्ष निर्णयको लागि सोझो,

कपिल किशोर घिमिरे दाङ्ग, हाल कैलाली १. कलिको माया छलिको कुरा बचने छुरा ।

काठमाडौं । ग्लोबल आइएमई बैंकले २ वर्षमै २ गुणा हुने मुद्दती योजना ल्याएको छ