Sansar News
काठमाडौं । माछापुच्छ्रे बैंकले“नेपाल नाई संघ”लाई क्युआर कोड हस्तान्तरण गरेको छ । बैंकले देशका हरेक स्थानमा सरल र सहज सेवा विस्तार गर्ने क्रममा संघलाई क्युआर कोड हस्तान्तरण गरेको हो ।
बैंकले देशका विभिन्न स्थानमा रहेका तीन लाख भन्दा बढी सैलुन व्यवसायीहरु लाभान्वित हुने उद्देश्यले नाई संघलाई क्युआर हस्तान्तरण गरेको जनाएको छ ।
राजधानीमा मंगलबार आयोजित एक कार्यक्रममा “नेपाल नाई संघ”का अध्यक्ष राजाराम ठाकुरलाई बैंकका प्रमुख डिजिटल बैकिङ्ग अधिकारी माधव सुवेदीले क्युआर हस्तान्तरण गरेका हुन् ।
उक्त क्युआर हस्तान्तरण पछि ग्राहकले “नेपाल नाई संघ”मा आबद्ध सैलुन व्यवसायीबाट विभिन्न सेवा लिए वापत लाग्ने शुल्क आफ्नो मोबाइल बैंकिङ्ग एप मार्फत क्युआर स्क्यान गरि भुक्तानी गर्न सक्ने बैंकले जनाएको छ ।
नगदको विकल्पमा नवीन र प्रयोग गर्न अति नै सहज भएको कारण क्युआर कोडको प्रयोग आम मानिसमा बढ्दै गई रहेको छ ।
वि.सं.२०७९ भदौ ३ शुक्रवार १३:२० मा प्रकाशित
