हामी सबैकाे संसारन्यूज

काठमाडौं । नेपाली कांग्रेसका नेता प्रदीप गिरीको स्वास्थ्य अवस्था गम्भीर रहेको छ ।

ललितपुरको मेडिसिटी अस्पतालमा राखेर उपचार गराइरहेका नेता गिरीको स्वास्थ्य अवस्था गम्भीर भएपछि शुक्रबार भेन्टिलेटरमा राखिएको छ ।

भारतको मुम्बईमा घाँटीको क्यान्सरको उपचार गराएर फर्किएका नेता गिरीको स्वास्थ्यमा समस्या देखिएपछि झण्डै एक महिनादेखि मेडिसिटी अस्पतालमा उपचार गराइरहेका छन् । बिहीबारसम्म आइसीयुमा राखेर उपचार गराइएका गिरीलाई शुक्रबार भेन्टिलेटरमा सारिएको अस्पतालले जनाएको छ ।

शुक्रबारै अस्पताल पुगेका कांग्रेसका पूर्वउपसभापति विमलेन्द्र निधिले पनि नेता गिरीको अवस्था गम्भीर रहेको र उनको स्वास्थ्य सुधारका लागि इश्वरीय चमत्कारको लागि प्रार्थना गरेको लेखेका छन् ।

निधिले सामाजिक संजालमा लेखेका छन् –आदरणीय मेरा अग्रजभ्रातातुल्य मित्र, समाजवादी, गांधीवादी, विचारक, योद्धा, नेपाली काँग्रेसका नेता प्रदिप गिरिलाई मेडिसिटिमा दोस्रोपटक हेरेर बाटोमा फर्कदै छु । स्तब्ध र निरिह छु । ईश्वरीय चमत्कारको लागि प्रार्थना गर्दछु – सबैले प्रार्थना गरौं !!!’

आदरणीय मेरा अग्रजभ्रातातुल्य मित्र,समाजवादी, गांधीवादी, विचारक,योद्धा, नेपाली काँग्रेसका नेता प्रदिप गिरि लाई मेडिसिटिमा दोस्रोपटक हेरेर बाटोमा फर्कदै छु। स्तब्ध र निरिह छु। ईश्वरीय चमत्कारको लागि प्रार्थना गर्दछु – सबैले प्रार्थना गरौं !!!

— Bimalendra Nidhi (@BimalendraNidhi) August 19, 2022