काठमाडौं । काठमाडौं महानगरपालिकाले भोटाहिटी–रत्नपार्कको अण्डरपास (सब–वे) माथिको अवैध संरचना भत्काएको छ । केही दिनदेखि काठमाडौंका विभिन्न क्षेत्रका अवैध संरचनाहरु भत्काइरहेको महानगरले आइतबार भोटाहिटी र रत्नपार्क जोड्ने अण्डरपासमाथि बनाइएका अवैध संरचना भत्काएको हो ।
पैदलयात्रु हिँड्ने सब–वेमाथि व्यापार गर्ने उद्देश्यले थपिएको नक्सा विपरीतको संरचना हटाउन थालिएको महानगर प्रहरी प्रमुख राजु पाण्डे जानकारी दिए । उनका अनुसार सबवेभित्रका ७ वटा बाहेकका सबै सटर अवैध छन् ।
महानगरले अवैध भनि हटाउन थालेको सब–वेको सम्पूर्णं ठेक्का नै मिलेमतोमा भएको यसअघि नै संसार न्यूजले सार्वजनिक गरेको थियो । निकै महत्वपूर्ण ठाउँमा रहेको सब–वेलाई काठमाडौं महानगरपालिकाले २०५९ असार ३१ देखि २५ वर्षको लागि ठेक्कामा दिएको थियो ।
तत्कालिन वडा नं. ३० का अध्यक्ष चिनियामान बज्राचार्यले साविक काठमाडौं महानगरपालिका वडा नं. २७ का ढोलाहिटी निवासी राजु श्रेष्ठलाई २५ वर्षको लागि कौडीको भाउमा ठेक्कामा दिएका थिए ।
२२ व्यवसायीक सटर रहेको सब–वेको वार्षिक ठेक्का जम्मा २४ हजार २ सय ५ रुपैयाँ छ । जुन करको दरभन्दा पनि हो । तर, महानगरले विरोध भएपनि उक्त ठेक्कालाई हालसम्म तोडेको छैन ।
सम्बन्धित समाचार
सार्वजनिक सम्पत्तिमाथि लुट : कौडिको भाउमा महानगरले सब–वे बेचेको खुलासा
