हामी सबैकाे संसारन्यूज

काठमाडौं । राष्ट्रपति विद्यादेवी भण्डारीबाट पुनर्विचारका लागि १५ बुँदे सुझाबसहित फिर्ता भएको नागरिकता विधेयक राष्ट्रियसभामा प्रवेश गरेको छ । आइतबार बसेको राष्ट्रिय सभाको बैठकमा राष्ट्रपतिबाट पुनर्विचारका लागि फिर्ता भएको ‘नेपाल नागरिकता ९पहिलो संशोधन विधेयक २०७९’ का सम्बन्धमा प्रतिनिधिसभाबाट प्राप्त सन्देशको जानकारी गराइएको थियो ।

आइतबार राष्ट्रियसभामा फिर्ता विधेयकबारे जानकारी गराइएपनि विधेयकमाथिको छलफल आगामी बैठकहरुमा हुनेछ ।

राष्ट्रपतिबाट फिर्ता भएको विधेयक प्रतिनिधिसभाबाट भदौ २ मै हुबहु पारित भइसकेको छ । प्रतिनिधिसभाबाट विधेयक पारित भएको १० दिनपछि राष्ट्रिय सभामा टेबुल भएको हो । अब राष्ट्रिय सभाले पारित गरेपश्चात मात्रै विधेयक राष्ट्रपतिकोमा पुग्नेछ ।

यसअघि दुवै सदनबाट पारित भई १५ साउनमा प्रमाणीकरणका लागि राष्ट्रपतिकहाँ पुगेको थियो । तर, राष्ट्रपति विद्यादेवी भण्डारीले पुनर्विचारका लागि भन्दै विधेयकलाई प्रतिनिधि सभामै फिर्ता पठाएकी थिइन् ।