हामी सबैकाे संसारन्यूज

काठमाडौ । मिर्मिरे लघुवित्त वित्तीय संस्थाले बुद्ध ज्योति लघुवित्त वित्तीय संस्थालाई एक्वायर (प्राप्ति) पश्चात एकीकृत कारोबार गर्ने भएको छ ।

भैरहवाको लुम्बिनीमा रहेको बुद्ध ज्योतिलाई एक्वायर गरेको मिर्मिरेले भदौ १५ गतेदेखि एकीकृत कारोबार शुरु गर्न लागेको हो ।

मिर्मिरे लघुवित्त वित्तीय संस्था बुद्धज्योति लघुवित्त वित्तीय संस्थाले एकीकृत कारोबार सञ्चालन गरेका छन् । बनेपाको पुलबजारमा केन्द्रीय कार्यालय रहेको मिर्मिरेले भैरहवाको लुम्बिनी सांस्कृतिक वडा नं. ६ मा केन्द्रीय कार्यालय रहेको बुद्ध ज्योतिलाई प्राप्ती गरी एकीकृत कारोबार सुभारम्म गरेको हो ।

बुद्धज्योतिलाई प्राप्ती गरी एकीकृत कारोबार पश्चात वित्तीय संस्थाको अधिकृत पुंजी ६० करोड, चुक्ता पुजी ५३ करोड १२ लाख पाँच हजार तीन सय ८८ रुपैंयाँ पुगेको छ । वित्तीय संस्थाले आर्थिक वर्ष २०७७–०७८ मा २० प्रतिशत बोनस शेयर दिएको थियो भने गत आ.ब. २०७८–०७९ को चौथो त्रैमासको अन्त सम्ममा २० करोड ८१ लाख रुपैंयाँ खुद मुनाफा आर्जन गरेको छ । वित्तीय संस्थाका बोर्ड अफ डाइरेक्टर एवम् मर्जर एक्विजिसन समिति संयोजक सन्तोष फुयालले बुधबार संस्थाको केन्द्रीय कार्यालय बनेपा स्थित शभाहलमा एकीकृत कारोबार शुभारम्भ गरेका हुन ।