Sansar News
काठमाडौं । प्रभु बैंकका ग्राहकहरुले हाइग्राउण्ड एडभेन्चर्स नेपाल प्रालिमा छुट पाउने भएका छन् । प्रभु बैंक र पोखरा स्थित हाइग्राउण्ड एडभेन्चर्सबिच बैंकका ग्राहकहरुलाई विभिन्न सेवाहरुमा छुट प्रदान गर्ने सम्बन्धी सम्झौता भएको हो ।
सम्झौतामा बैंकका तर्फबाट प्रमुख मार्केटिङ अधिकारी मञ्जय राज पाण्डे र एडभेन्चर्सका तर्फबाट प्रमुख सञ्चालन अधिकारी दिनेश मर्हजनले हस्ताक्षर गरेका छन् ।
उक्त सम्झौता अनुसार प्रभु बैंकमा खाता खोली बैंकिङ्ग कारोबार गरिरहेका ग्राहकहरुले हाइग्राउण्ड एडभेन्चर्सद्धारा सञ्चालित जिपलाइनीङ, बन्जि जम्पिङ, माउण्टेन बाइकिङ, क्वाड बाइकिङ लगायत सेवामा १० प्रतिशत छुट प्राप्त गर्ने छ ।
उक्त सुविधा लिन चाहने ग्राहकहरुले बैंकको डेबिट कार्ड, क्रेडिट कार्ड, चेक, मोबाइल बैंकिङ्ग, इन्टरनेट बैंकिङ्ग च्यानलहरु प्रयोग गरी भुक्तानी गर्नु पर्ने बैंकले जनाएको छ ।
वि.सं.२०७९ भदौ २० सोमवार १५:५३ मा प्रकाशित
