हामी सबैकाे संसारन्यूज

काठमाडौं । बैंक अफ काठमाण्डूले चाडपर्वहरु लक्षित गरी बैंकको डेबिट र क्रेडिट कार्डमार्फत हुने सम्पूर्ण अनलाइन कारोबारमा नगद फिर्ता योजना ल्याएको छ ।

बैंकको कार्डवाहकहरुले विभिन्न अनलाइन प्लेटफर्मबाट सामान तथा सेवाहरु खरिद गरी बैंकको कार्ड प्रयोग गरी भुक्तानी गरेमा ग्राहकहरुले कारोबार गरेको रकमको १० प्रतिशत वा अधिकतम १५ सय रुपैयाँसम्म नगद फिर्ता पाउने बैंकले जनाएको छ ।

बैंकको अनुसार यस नगदफिर्ता योजना भदौ २२ गते बुधबारबाट शुरु हुनेछ । यस नगदफिर्ता योजना अन्तर्गत बैंकको कार्डवाहकहरुले नगदफिर्ता लागि योजना अवधिभर ३ वा सो भन्दा धेरै संख्याको ईकमर्स कारोबार गर्नुपर्ने हुन्छ । कारोबार रकम १० हजार वा सोभन्दा बढि रकम हुनपर्ने बैंकले जनाएको ।बैंक अफ काठमाण्डूले देशभर १०३ शाखा कार्यालयहरु, ९८ एटिएम र १० एक्स्टेन्सन काउन्टरबाट आफ्ना ग्राहकहरुलाई बैंकिङ सेवा तथा सुविधा प्रदान गर्दै आईरहेको जनाएको छ ।