हामी सबैकाे संसारन्यूज

काठमाडौं । नेपाल बैंकर्स संघले सहुलियतपूर्ण कर्जा सम्बन्धमा अन्तरक्रिया कार्यक्रम संचालन गरेको छ । बैंकर्स संघ कर्णाली प्रदेश समितिले भाद्र २१ गते जाजरकोट, खलङ्गामा वित्तीय साक्षरता तथा सहुलियतपूर्ण कर्जा सम्बन्धमा विद्यमान नीतिगत व्यवस्था सम्बन्धी छलफल तथा अन्तरक्रिया कार्यक्रम संचालन गरेको हो ।

नेपाल बैंकर्स संघ, कर्णाली प्रदेश समितिका संयोजक राजनकुमार पोखरेलको अध्यक्षता रहेको सो कार्यक्रममा अतिथिको रुपमा गणेश प्रसाद सिंह, नेपाल राष्ट्र बैंक कर्णाली प्रदेश प्रमुख विनय सिग्देल, जिल्ला समन्वय समितिका प्रमुख कालिबहादुर खत्री, प्रमुख जिल्ला अधिकारी रामबहादुर शाही, वीमा समिति कर्णाली कार्यालय प्रमुख पदम सोडारी, बैंकका प्रतिनिधिहरु र स्थानियहरुको उपस्थितीमा कार्यक्रम संचालन गरिएको बैंकर्स संघले जनाएको छ ।

उक्त कार्यक्रममा बैंकर्स संघ कर्णाली प्रदेश समितिका संयोजक पोखरेलले नेपाल राष्ट्र बैंकको सहुलियतपूर्ण कर्जा कार्यविधि तथा सहुलियतपूर्ण कर्जाका विषयमा कार्यपत्र प्रस्तुत गरेको संघले जनाएको छ । संघका अनुसार कार्यक्रमपश्चात् सहभागीहरुले कार्यक्रम प्रभावकारी तथा जानकारी मुलक भएको र भविष्यमासमेत पुनः यस प्रकारका कार्यक्रमहरु आयोजना गर्न सुझाव पेश गरेका थिए ।