हामी सबैकाे संसारन्यूज

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले गठबन्धनबीच सिट बाँडफाँटको टुंगो आजै लाग्ने बताएका छन् ।

आगामी मंसिर ४ गते हुने प्रतिनिधिसभा र प्रदेशसभा निर्वाचन कार्यक्रमका लागि पोखरा पुगेका अध्यक्ष प्रचण्डले त्यहाँ आयोजित पत्रकार सम्मेलनमा गठबन्धनबीच सिट बाँडफाँटको टुंगो आजै लाग्ने बताएका हुन् ।

उनले गठबन्धन समझधारी र सहज ढंगले सहमतिको निकट पुगेको बताउँदै विभिन्न कारणले विहीबार सिट बाँडफाँटको कार्य टुंग्याउनका लागि केन्द्रीत हुन नसकेकोले आज ३ वजेभित्रमा त्यसको टुंगो लगाउने बताएका छन् ।

‘हामीबीच त्यस्तो जटिल समस्या कुनैपनि छैंन । त्यसमा हामीले समझदारी बनाएरै जान्छौ । यो सबैलाई थाहा भएकै कुरा हो,’ उनले भने, ‘यो हामीले संविधान, लोकतन्त्र र राष्ट्रियताको रक्षा गर्ने उद्धेश्यका साथ बनाइएको गठबन्धन हो । त्यो उद्धेश्य अहिले पनि आवस्यक छ । ’

अध्यक्ष प्रचण्डले नागरिकताका विषयमा कुरा गर्दै कसैले पनि यसमा भ्रम पाल्न जरुरी नभएको भन्दै जन्मसिद्ध नागरिक बनेका बाबुआमाका सन्तानले वंशजको नागरिकता पाउनुपर्छ । ती ६–७ लाखलाई नागरिकता बिहीन बनाउनु हुँदैन ।

‘हिँजो तत्कालीन नेकपाको नेतृवमा सरकार हुँदा प्रधानमन्त्री केपी ओलीले अध्यादेशमार्फत् जे प्रस्ताव ल्याउनु भएको थियो यो त्यहि कुरा हो । यो कुर्न नयाँ कुरा होइन । यो त्यहि प्रस्ताव हो जसलाई राष्ट्रपतिज्यूले आउने वित्तिकै प्रमाणिकरण गर्नुभाथ्यो,’ प्रचण्डले भने, ‘केपी ओलीले त्यहि प्रस्ताव लाँदा अध्यादेश मार्फत् आउनासाथ सोच्दै नसोचिकन भनेजस्तो गरी प्रमाणिकरण गर्नु भाथ्यो । त्यहि नै प्रस्ताव हो त्यो ।’