Sansar News
काठमाडौं । काठमाडौं महानगरपालिकाले ७ दिने अल्टिमेटम दिएपछि राजधानीका ठूला होटलमा संचालित क्यासिनोहरुले मनोरन्जन कर तिरेका छन् ।
महानगरका सहप्रवक्ता महेश काफ्लेका अनुसार सोल्टी होटलको माजोङ इन्टरटेनमेन्ट र मल्ल होटलको बेली क्यासिनोले ३० लाख मनोरन्जन कर तिरेका हुन् ।
यसअघि बुधबाररै मेरियट होटलको क्यासिनो डेल्टिनले १९ लाख ३७ हजार मनोरन्जन कर तिरेको थियो ।
महानगरले आइतबार ७ दिने अल्टिमेटमसहित म्यारियट होटलको डेल्टिन क्यासिनो, अन्नपूर्ण होटलको क्यासिनो प्यालेस, हयात होटलको प्राइड इन्टरटेनमेन्ट एण्ड रिक्रिएसन, सोल्टी होटलको माजोङ इन्टरटेनमेन्ट, होटल एल्फटको बाल्को क्यासिनो र मल्ल होटलको बेली क्यासिनोलाई मनोरन्जन कर तिर्नका लागि पत्र काटेको थियो ।
महानगरको अल्टिमेटमपछि मेरियटको क्यासिनोले बुझायो मनोरन्जन कर
वि.सं.२०७९ भदौ २४ शुक्रवार १३:१८ मा प्रकाशित
