वि.सं.२०८३ असार १८ बिहीवार

हामी सबैकाे संसारन्यूज

दोब्बरले बढ्याे वाणिज्य बैंकहरुको नाफा, कुनले कति कमाए ?

Sansar News

वि.सं.२०७९ भदौ २८ मंगलवार

804

दोब्बरले बढ्याे वाणिज्य बैंकहरुको नाफा, कुनले कति कमाए ?

काठमाडौं । चालु आर्थिक वर्षको पहिलो महिना अर्थात साउनमा २६ वटा वाणिज्य बैंकले १३ अर्ब १९ करोड रुपैयाँ खुद नाफा कमाएका छन्। आर्थिक वर्ष २०७९/८० को पहिलो महिनामा २६ वाणिज्य बैंकहरुले कुल १३ अर्ब १९ करोड रुपैयाँ नाफा कमाएका हुन् ।

यो नाफा अघिल्लो आर्थिक वर्षको १ महिनामा वाणिज्य बैंकहरुले कमाएको नाफाभन्दा १०९ प्रतिशत बढी हो । अघिल्लो वर्षको पहिलो १ महिनामा यस्तो नाफा ६ अर्ब ३१ करोड रुपैयाँ थियो ।

नेपाल राष्ट्र बैंकद्वारा सार्वजनिक रिपाेर्टअनुसार यो अवधिमा नाफा कमाउनेमध्ये सबैभन्दा शीर्ष स्थानमा नबिल बैंक रहेको छ । नबिलले साउन महिनामै ४ अर्ब ९७ करोड नाफा कमाएको छ । असार अन्तिममा नेपाल बंगलादेश बैंकसँग मर्ज भएको बैंकले असार मसान्तमा आफ्नो मात्रै नाफा राखेर वित्तीय विवरण प्रकाशन गरेको थियो । साउनमा भने एकै महिना झण्डै ५ अर्ब नाफा कमाएको विवरण देखिएको छ ।

त्यस्तै, सरकारी स्वामित्वकाे स्वामित्वको राष्ट्रिय वाणिज्य बैंकले साउन महिनामा ७५ करोड २१ लाख रुपैयाँ खुद नाफा कमाएको छ । राष्ट्रिय वाणिज्य बैंकले यसअघि पनि सबैभन्दा बढी नाफा कमाउनेमा रहँदै अाएकाे छ ।

यस्तै, ग्लोबल आइएमई बैंकले ६७ करोड ३३ लाख रुपैयाँ खुद नाफा कमाएको छ। साउनमा एनआइसी एसिया बैंकले ४७ करोड ६४ लाख रुपैयाँ र नेपाल इन्भेष्टमेन्ट बैंकले ४२ करोड रुपैयाँ खुद नाफा कमाएका छन् ।

यो अवधिमा सबैभन्दा कम नाफा कमाउने बैंकमा सिभिल र सेञ्चुरी देखिएका छन् । ती बैंकहरुको नाफा १७/१७ करोड रुपैयाँ रहेको छ ।

कुन बैंकको नाफा कति ?

नेपाल बैंक : ३५ करोड ७५ लाख

राष्ट्रिय वाणिज्य बैंक : ७५ करोड २१ लाख

नबिल बैंक : ४ अर्ब ९७ करोड २७ लाख

नेपाल इन्भेष्टमेन्ट बैंक : ७ करोड ९० लाख

हिमालयन बैंक : ३१ करोड १८ लाख

नेपाल एसबीआई बैंक : १९ करोड ५१ लाख

एभरेष्ट बैंक : ३५ करोड ९५ लाख

बैंक अफ काठमाडौं : १६ करोड ३० लाख

एनसीसी बैंक : २६ करोड ९२ लाख

एनआईसी एशिया बैंक : ४७ करोड ६३ लाख