हामी सबैकाे संसारन्यूज

काठमाडौं । सरकारले सातै प्रदेशका भूमिहिन दलित, भूमिहिन तथा सुकुम्बासीलाई सरकारले तोकेको ढाचामा जग्गा प्राप्त गर्नका लागि निवेदन दिन आव्हान गरेको छ ।

राष्ट्रिय भूमि आयोग ताहाचलले बुधबार एक सूचना जारी गर्दै सातै प्रदेशका २८ जिल्लामा रहेका भूमिहिन तथा सुकुम्बासीलाई निवेदन दिन आव्हान गरेको हो ।

उक्त सूचना अनुसार प्रदेश १ को सोलुखुम्बु र तेह्रथुम, मधेश प्रदेशको सप्तरी, धनुषा, महोत्तरी र रौतहट, बागमती प्रदेशको रामेछाप, काठमाडौं, भक्तपुर र सिन्धुपाल्चोक रहेका छन् । साथै गण्डकी प्रदेशको नवलपरासी पूर्व, स्याङ्जा र मुस्ताङ, लुम्बिनी प्रदेशको बर्दिया, रुकुम पूर्व, रोल्पा र नवलपरासी पश्चिम, कर्णाली प्रदेशको रुकुम पश्चिम, जुम्ला, कालीकोट, मुगु, डोल्पा, सल्यान, हुम्ला र दैलेख तथा सुदूरपश्चिम प्रदेशका अछाम, बैतडी र डडेल्धुरा जिल्लामा रहेका भूमिहिन तथा सुकुम्बासीलाई ३५ दिनभित्र स्थानीयतहबाट तोकिएका वडाका तोकिएका स्थानमा खटिएका संकलकमार्फत् निवेदन दिन आव्हान गरिएको छ ।