हामी सबैकाे संसारन्यूज

काठमाडौं । संसदको मानवअधिकार समितिको बैठकले सत्यनिरुपण तथा मेलमिलाप सम्बन्धी विधेयकमा सहमति खोज्न सात सदस्यीय कार्यदल गठन गरेको छ ।

उक्त कार्यदलमा कांग्रेसबाट मीन विश्वकर्मा र अतहरकमाल मुसलमान, एमालेका तर्फबाट शेरबहादुर तामाङ र विमला विक, माओवादी केन्द्रबाट देव गुरुङ र वर्षमान पुन तथा लोसपाबाट लक्ष्मणलाल कर्ण सदस्य रहेका छन् ।

बैठकले कार्यदललाई अपरान्हसम्म सहमति खोज्न भन्दै चारबजेसम्मको समय दिएको छ ।

कार्यदलको बैठक आज दिउँसो २ बजे बस्ने र आजै अपराह्न ४ बजे समितिको पूर्ण बैठक बस्ने तथा त्यतिन्जेलसम्म मस्यौदामा सहमति जुटाउने मुख्य जिम्मेवारी कार्यदललाई दिइएको बताइएको छ ।

समितिबाट यो विधेयक पारित गरेर आजै प्रतिनिधिसभामा विधेयकको प्रतिवेदन पेश गर्ने सरकार र सत्तागठबन्धन दलको तयारी रहेको छ ।